Link açıqlığı

Saatnıñ esas haberi

Qırımda aman-aman üç biñ insan koronavirus sebebinden közetüv altında buluna – akimiyet


İşğal etilgen Qırımda çetelden kelgen 2998 insan tibbiy közetüv altında buluna.

Bu aqta Rusiye kontrolindeki Qırım Sağlıq nazirligi bildire.

Müessise malümatına köre, 2915 insan evde dinamik közetüv altında, 68 insan hastahanede buluna, 15 insan observatorlarğa tecrit etildi. Rospotrebnadzor malümatına köre, cuma kününe qadar 18 COVID-19 hastası qayd etildi.

Aprelniñ 3-nde Qırımnıñ Rusiye yolbaşçısı Sergey Aksenov eki yañı hasta aqqında bildirdi. Onıñ aytqanına köre, insanlar Moskvadan keldi.

Aqyarda 5 kişi koronavirusqa oğradı.

Qırımda aprelniñ 3-nden 6-na qadar acele bir şey olmasa, evden çıqmağa yasaq etildi. Koronavirus yuqunçınıñ tarqaluvına yol bermemek içün işğal etilgen Qırımda ve Aqyarda «yüksek seviyeli azırlıq» rejimi kirsetildi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG