Link açıqlığı

Saatnıñ esas haberi

Qırımda 328 adam COVID-19ğa oğradı


Sergey Aksönov
Sergey Aksönov

Qırımda keçken künü 328 yañı koronavirus hastası qayd etildi. Bu aqta Qırımnıñ Rusiye başı Sergey Aksönov haber etti.

"Yanvarnıñ 15-nde Qırım Cumhuriyetinde 328 yañı koronavirus hastası qayd etildi, 12-niñ hastalıq alâmetleri yoq edi. Hasta olğanlarnıñ umumiy sayısından 216 adam tibbiy yardım içün muracaat etkende qayd etildi, 112 daa evel qayd etilgen hastalarnen alâqada oldı", – dep yazdı Aksönov.

Pandemiya başlağanından berli Qırımda 29 195 adam COVID-19-ğa oğradı, 23 554 tedaviylendi, 629 öldi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG