Link açıqlığı

Saatnıñ esas haberi

Qırımda 139 koronavirus hastası ağır alda buluna – akimiyet


Qırımnıñ Rusiye sağlıq naziri Aleksandr Ostapenko bildirgenine köre, koronavirus yuqunçından tedaviylengen yüzden çoq hasta «ağır ve pek ağır alda» buluna.

«2775 kişi hastahanelerde buluna – yañı koronavirus yuqunçı ve hastahaneden tış pnevmoniya, 3462 kişi ambulator tedaviylevde qala. 139 hasta ağır ve pek ağır alda buluna. Bizde bu raqam er afta deñişe. Ne yazıq ki, evden ağır ve pek ağır alda alğan hastalarımız çoq», – dedi Ostapenko yanvarniñ 20-nde COVID-19 ile küreş operativ ştabınıñ toplaşuvında.

Keçken künü Qırımda 251 koronavirus hastası qayd etildi.

Rusiye nezareti astındaki Qırım ve Aqyar akimiyetiniñ koronavirus tarqaluvına dair statistikasını halqara teşkilâtlar ve diger mustaqil menbalar tasdıqlamay. Ukraina aq qorçalayıcıları Qırımnıñ Rusiye akimiyeti hasta sayısını eksiltip bildire, dep bildirgen edi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG