Qırım "yaqın zamanda adağa çevirilecek", dep bildirdi Ukraнina mudafaa naziri Mıhaylo Fedorov jurnalist ve bloger Sergey Peyçevge bergen intervyüsında.
"Aslında, şimdi Qırım dronlarnen qaplanıp alına. Yaqın vaqıtta Qırım bir adağa çevirilecek kibi körüne, ve bu rusiyeliler içün beklenilmegen aqibetlerge ketire bile", — dep bildirdi Fedorov.
Qırımnıñ Rusiye akimiyeti bu beyanatnı şimdilik izaatlamadı.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete. Çoqusı allarda Rusiye Mudafaa nazirligi ya da Rusiye akimiyeti, bu malümatnı tasdıqlasa bile, arbiy obyektlerge zarar ketirilgenini tasdıqlamay.