Ukrain mobil operatorlar Qırımda Rusiye Federatsiyasından mütenasip ruhsetni alğan soñ işke devam ete bilecekler. Bunı tanılmağan Qırım Cümheriyetiniñ «malümat naziri» Dmitriy Polonskiy ayttı, dep bildire «İnterfaks».
«Eger de operatorlarnıñ özleri mında işni toqtatmağa qarar almasalar, biz de almaycaqmız», – dedi o.
O keçir deviri 2015 senesi yanvar 1-de bitecegini hatırlattı.
Onıñ aytqanına köre, Qırımda ukrain mobil operatorlarnıñ abonentleri al-azırda +38 Ukraina telefon kodından başlağan nomerlerini qaldıra bileler.
«Biz, ğaliba. insanlarğa evel olğan nomerlerini qaldırmağa imkân berermiz, amma nomerlerniñ ilk raqamları mıtlaqa +7 Rusiye kodına deñişecek. Şunıñ içün sim-kartnı deñiştirmege de kerek olur», – dedi Polonskiy.
Yarımadada ukrain operatorları nasıl tarzda çalışacaqları Qırımda 1-2 aydan soñ belli olur.
«Eger de operatorlarnıñ özleri mında işni toqtatmağa qarar almasalar, biz de almaycaqmız», – dedi o.
O keçir deviri 2015 senesi yanvar 1-de bitecegini hatırlattı.
Onıñ aytqanına köre, Qırımda ukrain mobil operatorlarnıñ abonentleri al-azırda +38 Ukraina telefon kodından başlağan nomerlerini qaldıra bileler.
«Biz, ğaliba. insanlarğa evel olğan nomerlerini qaldırmağa imkân berermiz, amma nomerlerniñ ilk raqamları mıtlaqa +7 Rusiye kodına deñişecek. Şunıñ içün sim-kartnı deñiştirmege de kerek olur», – dedi Polonskiy.
Yarımadada ukrain operatorları nasıl tarzda çalışacaqları Qırımda 1-2 aydan soñ belli olur.
