Rusiye Federatsiyası tarafından tayinlengen Aqyar yolbaşçısı Mihail Razvojayev şeer üzerinde avağa qarşı sistemanıñ işi aqqında bildirdi. Aqyarda da ava telükesi ilân etildi.
Razvojayevniñ aytqanına köre, "akvatoriya ve Balıqlava rayonı üzerinde eki ava nişsnı yoq etildi". "Amma urulğan obyektlerniñ parçaları yalı boyu ve Balıqlava rayonında tüşti", — dedi o. Balıqlavada şahsiy evniñ damı zarar kördi", — dep qoştı şeerniñ rusiyeli başı.
Rusiye nezaret kanalları bir qaç raketa tüşürilgenini bildire. Muarririyetniñ bu beyanatlarnı tasdıqlağan delilleri yoq.
Rusiye Mudafaa nazirligi bildirgenine köre, gece Qırımğa uçucısız uçaqlar ücüm etti, olardan ekisi urıp tüşürildi. Rusiye akimiyetiniñ beyanatları mustaqil tasdıqlanmaq kerek.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
