İşğal etilgen Qırımda rusiyeliler demiryol ve avtobus stantsiyalarına basqın eteler. Bunı Ukrayina Silâlı Quvetleriniñ Baş ştabı haber ete.
"Vaqtınca işğal etilgen Qırımda eali üzerinde nezaretni arttırmaq içün RF İİN ve FSB-nıñ operativ gruppaları demiryol ve avtobus stantsiyalarına basqın eteler", - dep yazıla bildirmede.
Baş ştabda qayd etkenleri kibi, ilk nevbette qırımtatarlar teşkerile.
Aprelniñ soñunda Ukrayina milliy tirenüv merkezi Qırımdaki Rusiye reberligi ukrayin yerastı qıdıruvları içün tedbirlerni quvetleştire dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
