Link açıqlığı

Qırımtatarlarınıñ taqdirini belgilemek içün Qurultayda halqara teşkilâtlarğa muracaat eteler


VI Qurultaynıñ nevbetten tış 2-ncı sessiyasında qırımtatar halqınıñ taqdiri belgilenüvine halqara müessiselerge muracaatta bulunalar.

Meclis azası Eskender Bariyev şu seneniñ aprel ayında qırımtatarlarınıñ havfsızlığı ve özüni belgilev aqları boyunca halqara konferentsiyasını keçirmek içün Birlekşen Milletler teşkilâtına ve Avropa telükesizlik ve işbirlik boyunca teşkilâtına ricada bulundı. Bundan da ğayrı o, ukrain akimiyetine «qırımtatar halqınıñ Rusiye-Ukrain ziddiyetinde 3-ncı tarafnı alma imkânını ögrenmek» teklifini yollamağa ve halqara konferentsiya aqqında halqara teşkilâtlarğa bildirmege teklif etti. «Eger de istesek, salı künü bu kibi qarar alına bilecek», – qayd etti Bariyev.


Öz nevbetinde, Meclisniñ tış alâqalar bölüginiñ başı Ali Hamzin halqara forumda qırımtatarlarnıñ milliy-medeniy cumhuriyetini meydanğa ketirmek içün qararnı muzakere etmege kerek olacağını tahmin etti. «Biz bugün azlıq halqı olıp, geosiyasiy erbaplarınıñ qurbanları oldıq… Şunıñ içün halqımıznıñ kelecegini halqara cemaatı, şu cümlede Ukraina ve Rusiye, çezsinler», – dedi o.


Mart 29 künü Bağçasarayda keçirilgen VI Qurultaynıñ nevbetten tış 2-ncı sessiyasında Qırımtatar halqınıñ özüni belgilev aqqını amelge keçirüvi aqqında qarar leyhası baqıla. Qarar leyhasında qırımtatar halqınıñ tarihiy Vatanında milliy-territorial cumhuriyetiniñ meydanğa ketirilmesi etrafında söz yürsetile


Qırımtatar milliy Meclisi yıllar devamında qırımtatar halqı aqlarınıñ tiklenüvi ve onıñ Ukraina sıñırlarında telükesizligi ve inkişafınıñ teminlevi boyunca Halqara forumını keçirmege teklif etken edi. Böyle forumnı OBSE imayesi altında keçirmege planlaştırıldı. Faqat, AB ve AQŞ tarafından desteklengen teklifke Ukrain akimiyeti öyle de cevap bermeyip qaldı.
XS
SM
MD
LG