Link açıqlığı

Saatnıñ esas haberi

Qurucılar, emşire, ösmür: Aqyarda altı yañı koronavirus hastası


İyün 30-ınıñ sabasına qadar Aqyarda altı yañı koronavirus hastası qayd etildi. Şeer akimiyetine köre, hastalarnıñ arasınada - Rusiyeden işke kelgen üç qurucı.

"Olar işke alınğanda teşkerilgende koronavirus infektsiyası qayd etildi. Yañıpatsiyentler arasında Rusiyeden kelgen emşire ve evel hasta olğan qadınnıñ 14 yaşındaki qızı bar", - denile beyanatta.

Malümatqa köre, infektsiya hastahanesinde - 123 adam , 9-ıncı şeer hastahanesinde - 78, yaşağan yerlerinde 687 adam baqıla.

Yerli akimiyetniñ malümatına köre, umumen Qırımda 691 yañı koronavirus hastası qayd etildi. 36-sı çetelden keldi, 94-ü qomşu Rusiyeden kelgenler ve olarnen alâqada olğanlar.500 insan yahşı oldı, 27 kişi vefat etti. Aqyarda 229 insan yañı koronavirus yuqunçına oğradı, dört kişi vefat etti.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG