Avgustnıñ 3-ünde üyleden soñ ve avgustnı 4-ünde Qırımda kimer yerlerde küçlü yağmurlar, sağanaq, iri burçaq, 20-25 m/s yel üfürmeleri beklenile, dep bildire Rusiye FVN-niñ Qırım idaresi.
Beyanatqa köre, ava şaraitiniñ bozulması cenübiy tsiklon keçmesinen bağlı.
İyülniñ 15-inde Qırımda furtuna ihtarı ilân etildi. Qurtarıcılar, azbarda azca olmaq ve dümen başında yürmekten vazgeçmege qırımlılarğa teklif ete.
Daa evel sağanaqlar Aqmescit ve Kezlevde yağdı. Aqmeçit rayonında qaşırğalı yel yerli kempingniñ evçiklerini bozdı.
