Yanvarnıñ 8-9 Qırımda yağmurlar yağacağı beklenile, bazı yerlerde şiddetli olacaq, fevqulâde vaziyetler de ola bile. Bunı Qırım gidromettsentrge atfı etip Qırımdaki Rusiye Fevqulâde vaziyetler nazirligi idaresiniñ matbuat hızmeti haber ete.
“Yanvarnıñ 8-9 Qırımda yağmurlar beklenile, bazı yerlerde küçlü olacaq. Yel saniyede 15-20 metr olacaq. Böyle şaraitte fevqulâde vaziyetler ola bile, elektrik naqil hattıları üzüle bile, balaban ve yahşı pekitilmegen inşaatlarnıñ dağuluvı da ola bile”, – yazıla bildirmede.
Hatırlatamız ki, Rusiye Gidromettsentr reberi Roman Vilfand Qırım sakinleri içün pek sıcaq yanvar ayını tahmin ete.
