Tünevin, 2021 senesi yanvarnıñ 1-nde, Qırımda yigirmiden ziyade yanğın yüz berdi. Bu aqta Rusiye nezaretinde olğan Qırımnıñ Fevqulâde vaziyetler nazirliginiñ mutbuat hızmeti haber etti.
“Tünevin Qırım Cumhuriyetinde 22 yanğın söndürildi, olardan 11 mesken sektorda, 3 mesken olmağan sektor, 2 maşina, 6 çoplük ve quru ot yanğını”, – yazıla bildirmede.
Qayd etilgenine köre, yılnıñ başından yarımadada 27 yanğın söndürilgen.
Hatırlatamız ki, yanvarnıñ 2-nde Aqmescitte yazuv malları anbarında yüz bergen yanğın sebebinden eki adam tahliye etildi.
