İlhaq etilgen Qırımda bazarertesi künü, mayıs 25-inde, fevqulâde yanğın telükesi beklenile. Bunı Rusiye FVN-niñ Qırım idaresiniñ matbuat hızmeti bildirdi.
"Qırım cumhuriyetinde telükeli adiseler aqqında furtuna ihtarı: mayıs 25-inde Qırımda fevqulâde yanğın telükesi beklenile", - denile beyanatta.
Mayısnıñ 23-ünde aqşam Aqyarda Bolşaya Morskaya soqağında üç qatlı evniñ damında yanğın oldı, onı beş saat söndüre ediler. Yerli qurtarıcılarnıñ malümatına köre, 23 adam, şu sıradan 8 bala, tahliye etildi.
Mayısnıñ 24-ünde gece Kezlevde yanğın oldı, onıñ sebebinden evniñ sakonleri tahliye etildi.
