Tünevin Rusiye FVN-niñ Qırım idaresiniñ yanğın hızmetiniñ hadimleri, Qırımda 20 yanğınnı söndürdi, olardan 13-ü - quru ot ve çöplük ateşlenmesi.
Müessiseniñ matbuat hızmetinde haber etkenleri kibi, Qırım yanğıncılarnıñ çabik areketleri, yarımadanıñ çeşit-türlü rayonlarında avel yayılmasını toqtattı.
"Kefede Stepnoy Massivniñ Apelsinovaya soqağında yanğınnı 19 daqqada söndürdiler. Armatlutskaya soqağında yanğınnı 29 daqqa içinde söndürdiler", - denile beyanatta.
FVN-niñ malümatına köre, yanğında zararlanğan ve yaralanğan kişiler olmadı.
Sentâbrniñ 18-nde aqşam Kefe civarındaki Kaygador (Orconikidze) qasabasında 10 gektardan ziyade meydanda quru ot yandı. Bir qaç saat içinde yanğın meydanı 30 gektarğa yandı. Sentâbrniñ 19-nda saba yanğın meydanı 45 gektarğa arttı. Bu aqta Rusiye kontrolindeki Qırım ükümetiniñ Fevqulâde vaziyetler nazirligi bildire.
