Tünevin ilhaq etilgen Qırımda qar yağuvı sebebinden yollar qapatılmadı, yol hızmetleri ava aqibetlerinen küreşip basladı. Bunı Rusiye FVN-niñ Qırım idaresinde aytıp berdiler.
"Malümatqa köre, fevral 8-inde saat 6:00 yol qaplamasınıñ vaziyeti: Anğara boğazında: -12, qar; Grusevskiy boğazında: -9, yağanaqlarsız. Yollarnıñ 2334 kilometri işlenildi. 1488 tonna qum ve tuz qullanıldı. 89 tehnika ve 140 adam nevbetçilik yapa", - müessise başı Sergey Sahovnıñ sözlerinde yaza matbuat hızmeti.
Aqmescitniñ rusiyeli memuriyetiniñ malümatına köre, gece qar yağmasınıñ neticelerini temizlemek içün, mahsus tehnikanı soqaqlarğa çıqardılar ve yollarnıñ 340-tan çoq kilometrini temizlediler. Saba azbar hızmetçileri qaldırımlarnı ve turaqlarnı cıyıştırıp başladı.
