Avgustnıñ 31-nde işğal etilgen Qırımnıñ Qurman qasabasında yanğında zarar körgen qurucılıq malzemeleri anbarı Rusiye arbiyleri tarafından qullanılğan edi. Bu aqta «Krım SOS» aq qorçalayıcı teşkilâtınıñ idare yolbaşçısı Oleksiy Tilnenko öz menbalarına esaslanıp bildirdi.
«Krım SOS» teşkilâtınıñ menbaları bergen malümatqa köre, Canköy rayonındaki patlavlardan soñ Rusiye işğalcileri arbiy donatmalarnı Qurman qasabasındaki qurucılıq malzemeleri anbarına yerleştirdi. İşğalciler mesken rayonlarda arbiy donatmalarnı yerleştirip, vatandaş ealisini telükege oğratmağa devam ete», – dep bildirdi Oleksiy Tilnenko.
Qırım.Aqiqat mühbiri yerli sakinlerniñ malümatına esaslanıp bildirgenine köre, qasaba merkezindeki «Dobrotsen» hocalıq ve azıq ağ tükânı yanıp başladı. Qayd etilgenine köre, alev yaqın olğan qurucılıq malzemeleriniñ tükânına keçti.
Rusiye fevralniñ 24-nde Ukrayınağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayınadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayınanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayınanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
