Devam etken qurğaqlıqnıñ kerçek aqibetleri birden körüne, dep ayta Qırım.Aqiqat mühbiri. O, Qırımnıñ baş özeni Salğırğa ya da ondan suv alğan Aqmescit suv anbarını – 342 biñlik Qırım paytahtınıñ esas suv çoqrağını – qayd ete.
Böyle vaziyet devam etse, yarımadanıñ Rusiye akimiyeti Aqmescit ve diger suv anbarları üstüne mahsus uçaqnı köterip, bulutlarğa piropatron atmağa mecbur olacaq. Amma Qırımnıñ Rusiye baş naziri Yuriy Gotsanükniñ yerli televideniye yayınında aytqanına köre, bu rayonlarda boranlı bulutlar olğanda bu olur.
Şimdi ise Salğırda ve suv anbarında suv azlaşmağa devam ete. Olarnıñ saillerini dolaşqan Qırım.Aqiqat mühbiri daa bir kere emin oldı.
Facebook Forum