2023 senesiniñ ilk 6 ayı içinde Qırımda 101 yaqalav, 140 tevqif, 104 sorğu ve 37 tintüv qayd etilgen. Bunıñ aqqında Qırımtatar resurs merkezi tarafından yayınlanğan işğal etilgen Qırımda insan aqları bozuluvınıñ talilinde yazıla.
Qırımtatar resurs merkezinde qayd etkenleri kibi, Qırımda yaqalanğan 101 kişi arasında 66-sı qırımtatarlardır. 140 tevqiften 93-ü qırımtatarlarğa dair edi. Bundan ğayrı 6 ay içinde Qırımda 37 tintüv keçirilgen, 29-ı qırımtatarlarda. Bundan ğayrı, Qırımda 156 kerek adalet mahkeme aqqı bozulğan.
Faallerniñ malümatına köre, aqımdaki yılnıñ ilk üç ayında Rusiye işğal etken Qırımda quvetçiler 49 kere qırımtatarlarnı yaqalağan.
2022 senesi dekabr ayında yañartılğan BM Baş assambleyasınıñ Rusiye ilhaq etken Qırımda ve Aqyarda insan aqları vaziyeti qararında «Qırımda sebepsiz tutuvlar, Qırımğa ve Qırımdan zornen avuştıruv», hırsızlav, «filtratsiya tedbirleri» takbih etildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
