Qırımtatar resurs merkezi bildirdi ki, bugünki künde azatlıqtan marum etüv yerlerinde bulunğan 194 qırımlı siyasiy mabüs qayd etildi, olardan 134 qırımtatardır.
''Qırım işğali başlağanından 2022 senesine qadar eñ azından 342 tintüv qayd etildi (256 qırımtatarlarğa nisbeten), tam miqyaslı cenk başlanğan soñ - 115 (71 qırımtatarlarğa nisbeten)'', – dep aytıla haberde.
Bundan da ğayrı, Qırım ilhaqından başlap 2022 senesine qadar eñ azından 1215 yaqalanuv (1006 qırımtatar içün) ve 1036 apiske alınuv (781 qırımtatar içün) qayd etildi, cenk başlanğan soñ ise 294 (214 qırımtatarıiçün).
Bundan da ğayrı, QRM malümatına köre, 2014 senesinden 2022 senesine qadar eñ azından 97 üküm qayd etildi, tam miqyaslı istilâdan soñ ise 110 üküm qayd etildi.
Herson ve Zaporojjâ vilâyetleriniñ işğal etilgen topraqlarında eñ azından 344 insan tutuldı (onlardan 97 qırımtatar) ve 45 apiske alındı, olardan 26 qırımtatarlarğa nisbeten, dep bildire faaller.
"Rusiye Federatsiyası öz qanunlarını siyasiy maqsatlarda, hususan, qırımtatarlarnıñ zorbalıqsız küreşini ve Qırım işğaline qarşı narazılıqlarını bastırmaq maqsadınen qanunsız qullanğanını köremiz", - dep qayd ettiler merkezde.
Bundan evel Qırımtatar Resurs Merkeziniñ başı Eskender Bariyev ''Supilnege'' intervyüsında rusiyeliler Noman Çelebicihan adına qırımtatar batalyonına alâqası olğanında qabaatlanğan 33 ukrayinni tutqanını bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
