Ukrain uquq qoruyıcıları Qırımdaki bütun insan ğayıp olmalarını taqiq ete, dep bildirdi QMC Prokuraturasınıñ analitik bölüginiñ başlığı Andrey Androsov.
“Çernomorskaya teleradiokompaniya” efirinde, “Avtomaydan” faali Vasiliy Çernışnıñ yarımadadağayıp olğanınıñ taqiqatını tefsir etip, Androsov, Qırım Muhtar Cumhuriyetinde Ukraina Milliy polisi böyle adiselerni taqiq ete, qanuniy yolbaşçılıqnı ise QMC Prokuraturası becere.
“Bütün ğayıp oluv adiseleri taqiq etile, şu cümleden zorbalıqnen yapılğan alıp qaçuvlarnı da. Prokuratura böyle taqiqatlarnıñ qanuniy yolbaşçılıqnı yapa”, - dedi Androsov.
Aqyar “Avtomaydan” faali Vasiliy Çernış, 2014 senesi mart 15-inde soñki sefer tuvğanlarınenbağlanğan edi. Ondan soñ aqaydan iç bir haber kelmedi.
“Avtomaydan” yolbaşçılarından birisi Aleksey Gritsenko, Yevromaydan vaqtında Vasiliy Kyivde olğanını bildirdi, ondan soñ Aqyarğa qayttı, anda onıñ kvartirası bar. Faalniñ aytqanına köre, Çernışnı evinden militsiya hadimleri alıp ketkenini bilip oldılar. 2014 senesi baarde Çernışnıñ qıdıruvlarında faal iştirak etkenlerden biri kino rejissörı Oleg Sentsov edi, biraz soñra onı FSB tevfiq etip terrorizmde qabaarladı.
Kyiv şeeriniñ Goloseyevskiy rayon militsiya idaresi, Aqyarda faal Vasiy Çernış ğayıp olğanı aqqında malümatnı Mahkemeden Evel Taqiqatnıñ Birleştirilgen Cedveline 2014 senesi iyün 14-nde kirsetti.i.
Qırım.Aqiqatnıñ malümatına köre, faalniñ qorantası Qırım polisine muracaat etmedi.
2017 senesi fevralde Radio Svoboda Ukraina Milliy Polisine bergen muracaatqa, Çernış Qırımdan ATO mıntaqasına ketkenini ve ondan soñ bağı üzülgenini cevabı keldi.
