QMC ve Aqyar şeeriniñ Prokuraturası, Qırımdaki işhaneniñ tesisçisi ve müdiri olğan Ukraina vatandaşına Ukraina CQ 111 maddesiniñ 1 qısmına binaen (devlet hainligi) cinayet etkenini bildirdi.
Prokuraturanıñ matbuat hızmetiniñ bildirgenine köre, şübeli, Aqmescit ava limanına Rusiye uçaqlarınıñ “qanunsız uçuşlarını teşkil etmege” yardım etip, “Ukrainağa qarşı bozucı faaliyetke yardım etken”.
“2015 seneden itibaren şübe astında olğanınen idare etilgen işhane aviatsiya yaqıtnıñ saqlanuvı ve taşuvı ve onen “Aqmescit” ava limanınıñ territoriyasında ava gemileriniñ temin etüvine dair qanun qoruyıcı organlarınen ve Rusiye silâlı quvetlerinen bir sıra muqaveleler tizgeni belgilenildi”, – yazıla bildirmede.
Qayd etilgenine köre, “işğal ve silâlı çatışma şaraitinde bu kibi faaliyet RF-nıñ Ukrainağa qarşı bozucı faaliyetke yardım ete” eken.
Bu areketler “Qırımnnı arbiyleştirilüvine yardım ete, tek yarımada ve onıñ sakinleri içün degil, bütün Qara deñiz bölgesi içün telükeli”, dep sayalar idarede.
Şübeliniñ adı ve soaydı aqqında malümat yoq.
