Deliller Global Rights Compliance teşkilâtı ile beraber taqdim etildi.
Qırım Muhtar Cumhuriyetiniñ prokuraturası yolbaşçısı İgor Ponoçevnıy bildirdi ki, bu, Rusiyeniñ yarımadada yapqan arbiy cinayetleri ve insanlıqqa qarşı cinayetleri boyunca Ukrayinanıñ endi 14-ünci taqdimnamesidir.
''Taqdimname vesiqasında olğan deliller muhtariyet prokuraturasınıñ cinaiy iş materiallarına esaslana. Uquq qoruyıcılar Ukrayina pravoslav kilsesiniñ vekilleri, İyegova şaatları, musulmanlar, protestantlar ve diger diniy cemiyetlerniñ azalarını taqip etüvniñ eñ azından 93 adisesini qayd etti, dep bildire QMC prokuraturası.
Global Rights Compliance idare etüv ortağı Ueyn Djordaş qayd etti ki, "Qırım Rusiyeniñ büyük miqyaslı cinaiy kampaniyası içün bir platsdarp oldı, soñra bütün memleket miqyasına yetken halqara cinayetler içün bir sınav meydançığı oldı".
''HCM içün bu yañı taqdim Rusiyeniñ arbiy cinayetleri, insanlıqqa qarşı cinayetleri ve Ukrayinada diniy gruppalarnıñ taqip etilüvine dair daa çoq delil bar. Bu daa bir deşetli hatırlatma, Qırım Rusiyeniñ cinayetleri başlağan ve adaletni yerine ketirmek ıntıluvları başlanmaq kerek olğan Ukrayinadaki yer edi", - dep qayd etti o.
ABD prezidenti Joe Biden devlet hızmetlerine Halqara cinaiy mahkemesine Ukrayinada Rusiye arbiy cinayetleriniñ delillerini toplamağa yardım etmege emir etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
