Link açıqlığı

Saatnıñ esas haberi

Qıtayda 133 yolcusı ve ekipajı olğan Boeing-737 tüşti


Tüşken Boeing 737 Bangkok ava limanında, arhiv
Tüşken Boeing 737 Bangkok ava limanında, arhiv

Qıtaynıñ cenübinde martnıñ 21-nde China Eastern Airlines uçaq şirketiniñ 133 yolcusı ve ekipaj azaları bulunğan Boeing-737 yolcu uçağı tüşti, dep bildire Qıtaynıñ Merkeziy televideniyesi.

İlk malümatqa köre, uçaq memleketniñ cenübindeki Guansi-Çjuan muhtar rayonınıñ Uçjoş şeer okrugındaki Ten uyezdinde dağğa uruldı. Qaza yerinde yanğın başladı, qurtarıcılar anda yol aldı.

Uçaq Kunminden Guançjouğa kete edi. Flightradar24 portalınıñ malümatına köre, uçaq uçuşnıñ bir saatından soñ radarlardan coyuldı.

Tüşken uçaq tahminen 7 yaşında, China Eastern Airlines onıñ ilk saibi. Qazadan evel uçaq ciddiy adiselerge oğrammağan edi. Yaralanğanlar aqqında haber etilmey.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://ddqp4xjpo7z2y.cloudfront.net/ . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG