Rusiye Mudafaa nazirligi bildirgenine köre, «qısmiy» seferberlik tedbirleri yekünlendi, maruzalar noyabrniñ 1-ne qadar berilmeli. Bu aqta oktâbrniñ 31-nde TASS Rusiye devlet agentligi bildirdi.
«Celpname azırlanuvı ve berilüvi toqtatıla», – dep bildirdi Rusiye Federatsiyasınıñ Mudafaa nazirligi.
Rusiye Mudafaa nazirligi «qısmiy» seferberlik yekünlendi, dep ilân etti
Rusiye Mudafaa nazirligi bildirgenine köre, «qısmiy» seferberlik tedbirleri yekünlendi, maruzalar noyabrniñ 1-ne qadar berilmeli. Bu aqta oktâbrniñ 31-nde TASS Rusiye devlet agentligi bildirdi.
«Celpname azırlanuvı ve berilüvi toqtatıla», – dep bildirdi Rusiye Federatsiyasınıñ Mudafaa nazirligi.
Rusiyede sentâbrniñ 21-nde seferberlik ilân etildi. Rusiye prezidenti Vladimir Putin onı «qısmiy» dep adlandırdı, askerlik yapqan ve arbiy tecribesi olğanlar seferber etilecek, dep ayttı. Faqat bir tatili ve azırlığı olmağanlar seferber etildi ve cebege yollanıldı.
Putin bildirgenine köre, oktâbrniñ 14-ne qadar 300 biñ 222 biñ kişi seferber etildi. «Mediazona» seferberlik ilân etilgen soñ toylarnıñ sayısı artqanına dair malümatqa (celpname alğanlar muracaat künü evlenmege imkân bere) esaslanıp, cenkke alınğan Rusiye erkekleriniñ sayısını saydı. Eñ az 492 biñ kişi seferber etildi.
Keçken afta Ukrayına Silâlı quvetleriniñ Baş ştabı, Rusiyeniñ arbiy-siyasiy reberligi qısmiy seferberlikni resmiy şekilde bitire, amma bazı Rusiye vatandaşlarına celpnameler berile.
Rusiyede seferberlik ilân etilgen soñ Qırım ve Aqyarnıñ Rusiye akimiyeti askerlikke aluv komissiyaları quruldı, dep bildirdi. Aq qorçalayıcılarnıñ malümatına köre, 5 biñden çoq insan celpname aldı. Aqyarnıñ Rusiye akimiyeti tahminen 2 biñ insan endi Rusiyege ant etti, dep bildirdi. Ukrayına Silâlı quvetleriniñ Baş ştabı olarnı endi Herson vilâyetine ketirdiler, dep bildirdi.
