Tintüvler İçki rayonında oldı – Çerkez Tobay (Çapayevka) köyünde Ruslan Mustafayev ve Savurçı (Zavetnoye) köyünde Abdulla Çebiyevniñ evinde. Qırımtatar resurs merkezi bildirgenine köre, Mustafayev daa yarım yıl evelsi vefat etti.
«Ebet, kimsede bir şey tapmadılar. Qırımtatarlarnı qorquzmaq içün daa bir adım yapıldı», – dep bildirdi Qırımtatar resurs merkezi.
Qırımtatar resurs merkeziniñ malümatına köre, 2024 senesiniñ ilk üç ayı devamında Rusiye uquq qoruyıcıları Qırımda 33 tintüv keçirdi, 28-i qırımtatarlarnıñ evinde oldı. Bundan ğayrı, 41 insan tutuldı, 46 kişi sorğuğa çekildi, Rusiye uquq qoruyıcıları 43 insannen sorav ve «subet» keçirdi.
Qırımtatar resurs merkezi bildirgenine köre, bugünki künde 194 qırımlı siyasiy mabüs bar, 134-ü qırımtatarı ola.
Ukrayına prezidentiniñ Qırım Muhtar Cumhuriyetindeki temsilciligi bildirgenine köre, 2024 senesi fevralniñ 19-nda Rusiye 208 qırımlı mabüsni apiste tuta, 125-i – qırımtatarıdır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
