«Qırımtatar tilinde Vikipediya aman-aman 30 biñ maqaleden ibaret – bu qırımtatar tiliniñ saqlanmasına ve populârlaştırılmasına ve bilgilerge serbest irişüvniñ yaratılmasına qoşulğan müim issedir, lâkin, muvafaqiyetlerge baqmadan, Vikipediyanıñ qırımtatar tili bölüginde bir çoq esas mevzular yeterli derecede aydınlatılmağan, bazılarında tek minimal malümat bar. Bu ilim ya da tehnika aqqında, em de qırımtatar halqınıñ tarihı, medeniyeti ve ananeleri aqqında yazılğan maqalelernen bağlı», – dep haber ete temsilcilik.
Anda Qırımnıñ işğali ve qırımtatarlarğa nisbeten Rusiyeniñ muntazam repressiyalarınıñ siyasetinde medeniy asabalıqnıñ saqlanması hususan müimdir, dep qoşqanlar. Qırımtatar Vikipediyası medeniy diplomatiya aletine, tasil ve halqara dialog meydanına çevirip, unikal missiyasını becere.
«Qırımtatar Vikipediyası qırımtatar tilinde yekâne online entsiklopediyadır, bu ise onı qırımtatar halqınıñ tarihını, medeniyetini ve tilini populârlaştırmaq içün pek müim bir vastağa çevire. Marafon tek maqalelerniñ sayısını arttırmaq içün degil, olarnıñ keyfiyetini yükseltmek, informatsion münderice standartlarınıñ uyğun seviyesini teminlemek içün yapıla», – dep bildirdi Qırım Muhtar Cumhuriyetindeki PPPU.
İyünniñ 20-nden avgustnıñ 5-ne qadar olıp keçken marafonda 14 iştirakçi tarafından qırımtatar tilinde 500-den ziyade Vikipediya maqale mükemmelleştirilgeni ve yazıldı, dep bildirilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
