«Vikimedia Ukrayına» Vikipediyanıñ qırımtatar versiyasını eyiliştirmege istey. Bunıñ içün qırımtatar tilini bilgen insanlarnı qıdıralar, dep aytıla teşkilâtnıñ Facebook saifesinde.
Qayd etilgenine köre, qırımtatar Vikipediyasında maqale yazma marafonınıñ teşkiliy komitetine kampaniya çerçivesinde yazılğan ve tercime etilgen maqalelerge keyfiyetli qıymet kesmek içün til bilgenler kerek.
Teşkilât qırımtatar Vikipediyasını eyiliştirip, onı daa keyfiyetli ve tolu yapmağa planlaştıralar, şunıñ içün qırımtatarca laf etken ve bilgenlerni yarışqa qoşulmağa davet eteler, dep qayd etti.
Yarış saifesinde cevap bermek mümkün.
Ukrayına Nazirler şurası qırımtatar tiliniñ inkişafını temin etüvge ayrı isse qoşqanlarğa mukâfat berüv qararını qabul etti. Onı qırımtatarlarnıñ tilini inkişaf ettirmege ve populârlaştırmağa yardım etecek insanlarğa berecekler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
