Ukrayına Tış işler nazirligi Ukrayına prezidentiniñ Qırım Muhtar Cumhuriyetindeki daimiy temsilciligi ve Qırımtatar Milliy Meclisinen beraber 1944 senesi mayısnıñ 18-nde sovetler tarafından sürgün etilgen qırımtatarlarnı añğanlar.
Tedbir Ukrayına Tış işler nazirliginiñ binası yanında ötkerildi. Tış işler naziri Dmıtro Kuleba, qırımtatar halqııñ lideri Mustafa Cemilev, Meclis reisi Refat Çubarov ve Ukrayına prezidentiniñ Qırım Muhtar Cumhuriyetindeki daimiy vekili Tamila Taşeva söz alğanlar.
Kyivde Tış işler nazirliginiñ binası ögünde qırımtatar bayrağı ve matem şeriti köterildi.
«Qırımtatar bayrağını bu merasimni Qırımda keçirmege imkânımız olğanına qadar köterecekmiz», – dedi Dmıtro Kuleba.
1944 senesi mayısnıñ 18-nde Sovet rejimi Qırımdan Orta Asiyağa bütün qırımtatar halqını sürgün etti. Üç kün içinde 200 biñ qırımtatar mal vagonlarında Vatanından alıp çıqarıldı.
Er yıl Qırımda qırımtatar halqı sürgünliginiñ qurbanlarını añma tedbirleri, hususan Qırım paytahtıla matem mitingi keçirile edi. Amma Rusiye Qırım yarımadasını işğal etken soñ Aqmescitniñ merkezinde böyle aktsiyalarnıñ keçirilüvi yasaqlandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
