Qırımtatar medeniyetiniñ eki elementi Ukrayına tamır halqlarınıñ maddiy olmağan medeniy mirası olaraq tanıldı, dep haber ete «Alem» cemaat teşkilâtı Facebook saifesinde.
«Qırımtatarlarnıñ qave adetleri» ve «Ağır Ava ve Haytarma» oyunı aqqında aytıla.
«Ukrayına tamır halqlarınıñ medeniyetini temsil etken milliy edevatqa «Alem» cemaat teşkilâtı tanıtqan ve Ukrayına medeniyet ve informatsion siyaset nazirligi yanındaki Maddiy olmağan medeniy miras ekspertler şurası tarafından tasdıqlanğan ve Medeniyet ve informatsion siyaset naziri vazifelerini eda etken Rostıslav Karandeyev tarafından imzalanğan eki element qoşuldı», – dep aytıla haberde.
2021 senesi dekabr ayında berilgen malümatqa köre, UNESCO qırımtatar «Örnegini» İnsanlıqnıñ maddiy olmağan medeniy miras reprezentativ cedveline kirsetti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
