Ukrayına prezidentiniñ Qırım Muhtar Cumhuriyetindeki vekili Tamila Taşeva komitet erkânına reislerden biri olaraq qoşuldı.
Teşkiliy komitet Qırımtatar halqı genotsidiniñ qurbanlarını añma kününe tedbirlerni teşkil etkende teklif ve tevsiyeler bermeli, devlet organlarınıñ areketlerini koordinatsiya etmeli.
Ukrayına Tış işler nazirligi ortaqlarını 1944 senesi qırımtatar halqınıñ sürgünligi genotsid olaraq tanımasına çağırıp, Rusiyeden işğal etilgen Qırımda insan aqları bozuluvını toqtatmasını talap ete.
1944 senesi mayısnıñ 18-nde Sovet rejimi Qırımdan Orta Asiyağa bütün qırımtatar halqını sürgün etti. Üç kün içinde 200 biñ qırımtatar mal vagonlarında Vatanından alıp çıqarıldı.
Er yıl Qırımda qırımtatar halqı sürgünliginiñ qurbanlarını añma tedbirleri, hususan Qırım paytahtıla matem mitingi keçirile edi. Amma Rusiye Qırım yarımadasını işğal etken soñ Aqmescitniñ merkezinde böyle aktsiyalarnıñ keçirilüvi yasaqlandı.
Qırımtatar Milliy Meclisi reisi Refat Çubarov qırımtatar halqı genotsidiniñ qurbanlarına abide leyhası azırlandı, dep bildirdi. İş keçirile, yeri muzakere etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
