Avgustnıñ 25-nde olar Bağçasarayda FSB hadimleri tarafından tutulğan soy-sopları ve semetdeşlerine qoltutmağa keldi.
Tutulğan 10 kişi İçki izolâtorına qapatıldı. Qalğanları Yedi Quyu, Kezlev ve Kefege alıp ketirildi.
Advokatnıñ aytqanına köre, polis ilâve etken video delillerni isbatladı. Mahkeme oturışuvına alınmağan diñleyiciler skverde buluna edi, bazıları skemlelerde otura edi, digerleri — qavede edi. İnsanlar bir mania yapmadı. Mahkemege yaqın tek baba, oğul ve ömür arqadaşları bar edi. Olar mahkeme qararını bilmek içün advokatlarnı bekley edi.
Kiyev rayon mahkemesiniñ qadısı Eldar Aliyevni bir protokolğa köre 5 künge, ekinci protokolğa köre 7 künge apiske aldı. Mahkeme oña 7 kün memuriy apis cezasını berdi.
Belli olğanına köre, Edem Semedlâyev avgustnıñ 25-nde Kiyev rayon mahkemesiniñ binası ögünde tutulğan qırımtatarlarnıñ memuriy apis cezalarına qarşı 10 istinaf şikâyetini berdi.
Avgustnıñ 24-nde Bağçasarayda ve Bağçasaray rayonında saat 4-te Rusiye quvetçileri qırımtatarlarnıñ Ruslan Asanov, Seydamet Mustafayev, Remzi Nemetulayev, Abdulmecit Seytumerov, Amethan Umerov ve Eldar Yakubovnıñ evlerinden tintüv keçirdi. Berilgen malümatqa köre, Nimetulayev ve Asanovğa Rusiye Ceza qanunnamesiniñ 205.5 maddesiniñ birinci qısmına binaen (terrorristik teşkilâtnıñ faaliyetini teşkil etüv), Amethan Umerov ise Rusiye Ceza qanunnamesiniñ 205.5 maddesiniñ ekinci qısmına binaen (terroristik teşkilâtnıñ faaliyetinde iştirak etüv) qabaatlanğan.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
