Er yıl iyünniñ 26-nda Qırımtatar bayraq künü qayd etile. Qırımtatar Milliy Meclisiniñ reisi Refat Çubarov facebookta haber etkenine köre, Ukrayinanıñ halq mimarcılığı ve turmuşı milliy müzeyinde "Qırımtatar maallesiniñ" ev temeli qoyulacaq.
"Qırımtatar maallesi" kelecek ekspozitsiyasınıñ ilk eksponatı Qarasuvbazar rayonını Bahçi-Eli köyünden ev olacaq. Bu XX asırnıñ başlarında ananeviy qırımtatar eviniñ rekonstruktsiyası olacaq – çit ev, divarları tahta, yüzüm çubuğı ve topraqtan yapılğan edi.
Qayd etilgenine köre, çöl yolu, qurğan ve ilk ev qırımtatar mimarcılığı, turmuşı ve qoranta yaşayışı dünyasına seyaatnıñ başlanğıçı olacaq. Bahçi-Eli eviniñ quruluvı – Ukrayina müzey toplulığında qırımtatar evi ve canlı bulunuvınıñ qaytuvıdır.
Musafirlerni tantanalı programma, qırımtatar icracılarınıñ kontserti, usta dersleri, yarmalıq, bala oyunları, qırımtatar aşları ve ilk qırımtatar eviniñ temel qoyuluvı bekley.
Qırımtatar bayraq künü
Er yıl iyünniñ 26-nda qırımtatarlar Qırımtatar bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte keçirilgen Qırımtatar Milliy Qurultayınıñ ekinci künü saylandı.
Qırımtatar bayrağı altın tamğalı kök bayraqtır.
Bayram merasimleri em esas Ukrayinada, em diger memleyeketlerde keçirile.