Qırımda qırımtatar bayraqlarınen qayağa çıqacaq olğan avtokolonnanıñ eki iştirakçisine 20-er ruble para cezası berildi, dep bildire Ukrayına prezidentiniñ Qırım Muhtar Cumhuriyetindeki temsilciligi.
Para cezaları Rustem Kurnosov ve Enver Useinovğa berildi. Polis Qarasuvbazardaki Aq Qayağa çıquv ıntıluvını qanunsız tedbir dep tanıdı.
Temsilcilik o aqşam kimligi belli olmağan insanlar dağ eteginde Rusiye bayrağını açtı, dep bildire. Faaller bu insanlar «kütleviy tedbir keçirmek içün haber ettimi» dep sorasalar, cevap alamadılar.
Qarasuvbazar rayonı polis bölüginiñ hadimleri üç qırımtatarını qırımtatar bayrağı sebebinden tuttı. Rustem Kurnosov, Enver Useinov, Ebabil İbragimov tutuldı.
Faallerniñ malümatına köre, aqımdaki seneniñ ilk üç ayı içinde Rusiye işğal etken Qırımda uquq qoruyıcılar eñ az 49 qırımtatarını tuttı.
2022 senesi dekabr ayında yañartılğan BM Baş assambleyasınıñ Rusiye ilhaq etken Qırımda ve Aqyarda insan aqları vaziyeti qararında «Qırımda sebepsiz tutuvlar, Qırımğa ve Qırımdan zornen avuştıruv», hırsızlav, «filtratsiya tedbirleri» takbih etildi.
Keçken sene oktâbr ayında ZMINA insan aqları merkeziniñ yolbaşçısı Tetâna Peçonçık Qırımda insanlar hırsızlana, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
