«66 yaşında adam Noman Çelebicihan qırımtatar göñülli batalyonında (Rusiyede terror teşkilâtı tanılıp yasaqlanğan) iştirak etti, Qırımdan suvuma içün teşviq etti ve yarımadağa ketken naqliyatnı blok etken edi», – dep aytıla haberde.
Erkek «batalyonda iştirak etip, iştirakçilerine aş ketirgen edi», dep haber etile.
Rusiye uquq qoruyıcıları adamğa qarşı Rusiye Federatsiyası Ceza kodeksiniñ 208-inci maddesine istinaden (Rusiye menfaatlarına zıt kelgen maqsadlarda federal qanunda olmağan silâlı birleşmede iştirak etüv) cinaiy dava açıldı.
Qırımtatar resurs merkeziniñ malümatına köre, 2014 senesinden başlap «Noman Çelebicihan qırımtatar göñülli batalyonında» iştirak etüvde qabaatlanıp, eñ az 41 kişi tutuldı.
Noman Çelebicihan qırımtatar batalyonı – 2016 senesiniñ başında esas Ukrayınanıñ işğal etilgen Qırımnen memuriy sıñırında qurulğan göñülli qırımtatar birleşmesidir. Batalyonğa qırımtatar siyasetçi ve cemaat erbabı, Qırım Halq Cumhuriyeti ükümetiniñ birinci Reisi, Qırımnıñ I Qurultay teşkilâtçısı, Litvaniya, Poloniya, Beyazrusiye müftisi Noman Çelebicihannıñ adı berildi.
Ukraina uquq qoruyıcı organları erkânında qırımtatar batalyonını quruv munaqaşası 2016 senesinden berli devam ete. Ukraina İç işler nazirligine ait Ukraina Milliy gvardiyası, olarnıñ qurulışında «qırımtatar batalyonınıñ» qurulması aqqında beyanatlar şimdilik qanun seviyesinde tasdıqlanmağan beyanatlar olıp qla, dep qayd etken edi. «Asker» cemaat teşkilâtınıñ yolbaşçısı Lenur İslâmov Noman Çelebicihan «qırımtatar batalyonına» arbiy bölük nomerasını bermege talap etken edi.
İyünniñ 1-nde Rusiye Yuqarı mahkemesi «Noman Çelebicihan qırımtatar göñülli batalyonını» Rusiyede yasaqlap, «terror» teşkilâtı dep tanıdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
