2014 senesinden başlap «Noman Çelebicihan qırımtatar göñülli batalyonında» iştirak etüvde qabaatlanıp, eñ az 41 kişi tutuldı. Bu malümatnı Qırımtatar Resurs Merkezi aydınlata.
Qayd etilgenine köre, 17-si işğal etilgen Qırımda, 24-ü – Rusiyeniñ Ukrayınağa qarşı büyük istilâsı başlağan soñ Herson vilâyetiniñ işğal etilgen qısmında tutuldı.
Qırımda tutulğanlar:
• Fevzi Saganci (üküm – 2019 senesi yanvarniñ 23-ü)
• Dilâver Gafarov (üküm – 2019 senesi avgustnıñ 28-)
• Edem Kadırov (üküm – 2019 senesi mayısnıñ 31-i)
• Aydin Mamutov (üküm – 2019 senesi aprelniñ 22-si)
• Nariman Mejmedinov (üküm – 2020 senesi iyünniñ 20-si)
• Mecit Ablâmitov (üküm – 2021 senesi martnıñ 24-ü)
• İbraim Asanov (tutuldı – 2023 senesi yanvarniñ 17-si)
• 2023 senesi yanvarniñ 25-nde Aqyar sakini
• 2023 senesi fevralniñ 2-nde Aqyar sakini
• 2023 senesi martnıñ 13-nde Qırımda 39 yaşında adam
• 2023 senesi aprelniñ 14-nde Qırımda eki qırımtatarı
• 2023 senesi mayısnıñ 30-nda 23 ve 24 yaşında eki qırımlı
• avgustnıñ 4-nde Qırımda bir erkek (kimligi ögrenile)
• sentâbrniñ 13-nde 54 yaşında qırımlı (kimligi ögrenile)
• martnıñ 22-nde Qırım sakini (kimligi ögrenile)
Qırımtatar Resurs Merkezi Herson vilâyetinde tutulğan 24 insannıñ cedvelini de aydınlattı.
Noman Çelebicihan qırımtatar batalyonı – 2016 senesiniñ başında esas Ukrayınanıñ işğal etilgen Qırımnen memuriy sıñırında qurulğan göñülli qırımtatar birleşmesidir. Batalyonğa qırımtatar siyasetçi ve cemaat erbabı, Qırım Halq Cumhuriyeti ükümetiniñ birinci Reisi, Qırımnıñ I Qurultay teşkilâtçısı, Litvaniya, Poloniya, Beyazrusiye müftisi Noman Çelebicihannıñ adı berildi.
Ukraina uquq qoruyıcı organları erkânında qırımtatar batalyonını quruv munaqaşası 2016 senesinden berli devam ete. Ukraina İç işler nazirligine ait Ukraina Milliy gvardiyası, olarnıñ qurulışında «qırımtatar batalyonınıñ» qurulması aqqında beyanatlar şimdilik qanun seviyesinde tasdıqlanmağan beyanatlar olıp qla, dep qayd etken edi. «Asker» cemaat teşkilâtınıñ yolbaşçısı Lenur İslâmov Noman Çelebicihan «qırımtatar batalyonına» arbiy bölük nomerasını bermege talap etken edi.
İyünniñ 1-nde Rusiye Yuqarı mahkemesi «Noman Çelebicihan qırımtatar göñülli batalyonını» Rusiyede yasaqlap, «terror» teşkilâtı dep tanıdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
