Rusiye kontrolindeki Canköy rayon mahkemesi ukrayınalını «Noman Çelebicihan qırımtatar batalyonında» iştirak etkeni içün beş yıl apis cezasına üküm etti. Bu aqta mahkemeniñ matbuat hızmeti bildire.
«Mahkeme dava malümatlarını er taraftan inceledi, yımşatqan sebeplerni köz ögüne alıp, er adamını Rusiye Federatsiyası Ceza kodeksiniñ 208-inci maddesiniñ 2-nci qısmına istinaden («Federal qanunda olmağan silâlı birleşmede iştirak etüv») qabaatlı tanıdı ve ilk yılı apishanede ve qalğanı sert rejimli tüzetüv koloniyasında keçecek beş yıl apis cezasına mahküm etti», – dep aytıla beyanatta.
Açıq menbalarğa köre, makhüm etilgen insannıñ adı Halilov İgor Valeriyeviç ola bile. Kütleviy haber vastaları yazğanına köre, er adamı bıltır iyülniñ 21-nde Geniçesk rayonınıñ Salkovo köyünde tutuldı – bundan soñra başına çuval kiydirip alıp ketkenler ve Aqmescit SİZOsına qapatqanlar.
Canköy rayon mahkemesi Rusiye uquq qoruyıcıları işğal etilgen Geniçeskte hırsızlağan Ukrayına Ava deñiz quvetleriniñ yedek zabiti Oleksiy Kiselevni 8,5 yılğa üküm etti.
«Sova» informatsion-talil merkeziniñ malümatına köre, Rusiyede ekstremist ve terrorist teşkilâtlarında iştirak etüv sebebinden ükümlerniñ sayısı bir buçuq qat arttı. 2022 senesi mahkeme 264 insanğa qarşı 130 üküm çıqardı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
