142 qırımtatar asıllı Türk vatandaşı çetel ukrayinli statusını aldı, dep haber ete Ukrayina Tış işler nazirliginiñ matbuat hızmeti.
«Cenk vaqtında hususan tarihiy Vatannen bağlarını coymayıp, olarnı quvetleştirmek kerek. Çetel ukrayinlilerge Ukrayinağa faal qoltutqanları içün minnetdarmız», – dep qayd etti nazir muavini Maryana Betsa.
Çetel ukrayinli statusını alğan şahısnıñ böyle aqları bar:
- Ukrayina vatandaşları içün belgilengen esas ve nizamda müessiselerde, teşkilâtlarda çalışmaq ya da başqa faaliyetnen oğraşmaq
- Ukrayinanı ziyaret etmek içün çoq seferlik vizanı bedava almaq
- qanun ile belgilengen tertipke köre immigratsiya kvotalarından tış daimiy sürette yaşamaq içün immigratsiya ruhseti almaq
- devlet sımarışı kölemi sıñırlarında Ukrayina aliy oquv yurtlarına aluv kvotaları çerçivelerinde bedava tasil almaq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
