Link açıqlığı

Saatnıñ esas haberi

Qırımnıñ şimalinde patlavlar eşitile – Telegram kanalları


Nümüneviy fotoresim
Nümüneviy fotoresim

Qırımnıñ şimalinde yanvarniñ 3-nde patlavlar eşitile, dep haber ete Qırım Telegram kanalları.

«Canköyliler, ilk malümatqa köre, ava mudafaa sisteması çalıştı», – dep aytıla «Tipiçnıy Canköy» kanalınıñ haberinde.

Canköyde «ava mudafaasınıñ işi» ve «nişannı yoq etüv» aqqında «ÇP/Krım» ve «TalipoV Online Z» Telegram kanalları yazdı.

«Mı iz Cankoya» Telegram kanalında haber peyda oldı: «Telâşlanmaymız, ava mudafaasına oşay, dep yaza abuneciler».

Şeerniñ Rusiye akimiyeti vaziyetni izaatlamay.

Bazarertesi künü, yanvarniñ 2-nde, Aqyarnıñ Rusiye akimiyeti uçucısızlarnıñ ücümi aqqında bildirdi. Aqmescitte ve Aqmescit rayonında patlavlar eşitildi.

Avgusttan başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayına uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksenov uçucısızlarnı yarımada içün «esas telüke» dep adlandırdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG