Link açıqlığı

Saatnıñ esas haberi

Rusiye mahkemesi «qırımlı musulmanlar davasınıñ» üç mabüsine fevralniñ 14-nde üküm çıqaracaq – faaller


Aleksandr Sizikov

Rusiye kontrolindeki Rostov-na-Donu Cenübiy okrugınıñ arbiy mahkemesi fevralniñ 14-nde «qırımlı musulmanlar davasınıñ» mabüsleri Aleksandr Sizikov, Alim Sufyanov ve Seyran Hayredinovğa üküm çıqarmağa istey, dep bildire «Qırım birdemligi» cemaat birleşmesi.

Faallerniñ bildirgenine köre, fevralniñ 13-nde munaqaşa devamı olacaq, qabaatlanğanlar soñki sözüni aytacaq. Bundan soñ mahkeme üküm çıqarılacaq künni belgileycek.

Rusiye devlet qabaatlavı Aleksandr Sizikovnı 18 yılğa azatlıqtan marum etmege, Alim Sufyanov ve Seyran Hayredinovnı 14 yılğa üküm etmege talap ete.

2020 senesi iyülniñ 7-nde Rusiye quvetçileri yedi qırımtatarınıñ evini tintti: Qurman rayonınıñ Büyük Onlar qasabasında Emil Ziyadinov, Aqmescit rayonınıñ Kurtsı qasabasında İsmet İbragimov, Bağçasaray rayonınıñ Jeleznodorojnoye köyünde Alim Sufyanov, Bağçasaray rayonınıñ Süyür Taş (Belokamenka) köyünde Seyran Hayretdinov, Bağçasaray rayonınıñ Sevastyanovka köyünde Aleksandr Sizikov, Aqmescit rayonınıñ Bavurçı (Kamenka) köyünde Vadim Bektemirov ve Aluştada Dilâver Memetovnıñ. O, tintüv keçirilgende evde degil edi, onı qıdırmağa devam eteler.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımdaki «Hizb ut-Tahrir davaları»

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG