Rusiyeniñ Mudafaa nazirligi işğal etilgen Qırımğa dron ücümi aqqında ilân etti.
Berilgen malümatqa köre, Qara deñizde üç dron saat 09:40-tan 10:10-ğa qadar (Kyiv saatınen), daa ekisi 12:10-dan 12:20-ge qadar tüşürilgen.
Rusiye tarafınıñ beyanatını tasdıqlaycaq bir malümat yoq. Ukrayina tarafı yarımadağa qarşı ücüm aqqında bildirmedi.
2022 senesinden başlap yarımada aman-aman er kün uçucısız ve raketalarnıñ ücümine oğray, çoqusı alda Rusiye Federatsiyasınıñ Mudafaa nazirligi ya da Rusiye akimiyeti, bu malümat olsa da, arbiy obyektlerge darbe endirilgenini tasdıqlamay.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
