Onıñ aytqanına köre, Qırımğa «onlarnen» ava uçucısızı ve eñ az beş deñiz dronı ücüm etti.
Ücüm neticesinde Aqyar qısmen elektriksiz qaldı. Razvojayev «Sevastopol» ast stantsiyasında donatmalarnıñ bir qısmı söndürildi, dep bildire, çünki anda tüşürilgen uçucısızlarnıñ parçaları tüşti. Yerli telegram kanallarınıñ malümatına köre, Kazaçya buhtada, Balıqlava ve Saharnaya Golovka rayonında qısmen elektrikler yoq.
Rusiye akimiyetiniñ malümatına köre, Aqyarda elektrik energiyasını bütünley ğayrıdan tiklemek içün bir kün kere. Şeerde «anda-mında» elektrikler söndürilecek.
Razvojayevniñ emrinen «bu vaziyetet» Aqyarnıñ mektepleri, orta tasil müessiseleri ve bala bağçalarında dersler lâğu etildi.
Rusiye Mudafaa nazirligi Qırımda 51 uçucısız «yoq etildi ve tüşürildi», dep bildirdi.
Rusiye akimiyetiniñ malümatı mustaqil menbalardan teşkerilmeli.
Mayısnıñ 15-nde aqşam yerli ve Rusiye telegram kanalları Belbek Rusiye arbiy uçaq alanında patlavlar aqqında bildirdi, Aqyarda ise ava telükesi ilân etildi. Bundan ğayrı, Qırımnıñ Telegram kanalları yerli sakinlerniñ malümatına esaslanıp, Aqmescit, Kezlev, Canköy ve Sarabuzda patlav sesleri aqqında bildirdi.
Qırım mayısnıñ 15-nde gece raketa ücümine oğradı. ASTRA Telegram kanalınıñ malümatına köre, ücüm neticesinde Belbek uçaq alanında eki MiG-31 uçağı ve yaqar-yağlayıcı anbarı zarar kördi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
