Rusiye Mudafaa nazirliginiñ haberine köre, yarımadada eki uçucısız tüşürildi. «Krımskiy veter» yerli saifesi Aqmeçitte «üçüm» aqqında bildire. Berilgen malümatqa köre, anda qurtarıcılar darbege oğrağan qışla yıqıntılarını toplay.
Muarririyetniñ bu malümatnı isbatlaycaq delilleri yoq.
Bundan evel Aqyarda küçlü patlav eşitildi. Şeerniñ Rusiye yolbaşçısı Mihail Razvojayev Rusiye ava mudafaa quvetleri deñizde nişan tüşürdi, dep bildirdi. Şeerde ava telükesi signalı berilmedi.
Rusiye Mudafaa nazirligi Qırım yarımadasına «Neptun» raketası ücüm etti, dep bildirdi.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
