Qırımda patlav neticesinde Rusiye arbiy vertolöti zarar kördi – adise Aqyar yaqınlarındaki «Kaça» uçaq alanında oldı. Bu aqta RBK-Ukrayına istihbarattaki menbalarğa esaslanıp bildire.
Neşirniñ subetdeşlerinden biriniñ aytqanına köre, bu aerodromda 318-inci ayrı qarışıq aviatsiya polku yerleşmekte.
«Vaqtınca işğal etilgen Qırımda daa bir «pamuq». Patlav neticesinde gece saat birlerde 318-inci polknıñ Mi-8 arbiy vertolöti zarar kördi ve işlemez alğa keldi», – dep bildire neşir istihbarattaki menbalarnıñ malümatını.
Resmiy Kyiv ya da Qırımnıñ Rusiye akimiyeti bu malümatnı izaatlamadılar. Qırım.Aqiqat muarrirleri bu malümatnı tez teşkerip olamay.
Bundan evel Azatlıq Radiosı ve Qırım.Aqiqat jurnalistleri Qırımda 220-den çoq Rusiye arbiy obyektini tapıp qayd etti. Olarnıñ yerini, vazifelerini bilemiz, foto ve uydu resimlerimiz bar. Bu malümatnı bir yerde toplap, qolay interaktiv online haritada qayd ettik.
Bular uçaq alanları, silâ ve yaqarlıq anbarları, ava mudafaa sistemaları, radiolokatsion stantsiyalar ve flot. Bu arbiy bazalarnıñ bir qısmı – Ukrayına arbiy bölükleri, amma Rusiye sıfırdan yapqan soyları da bar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
