Ekstremizm ile küreş merkeziniñ hadimleri Yakubovğa qarşı Rusiye Federatsiyası Memuriy uquq bozuvları kodeksiniñ 20.3 maddesine istinaden («ekstremist teşkilâtlarınıñ işaret ya da timsallerini açıq numayış ya da propagandası») tizdi.
Fevralniñ 29-nda saba Eski Qırımda ve Seyit Eli (Juravki) köyünde Rusiye uquq qoruyıcıları dört qırımtatarı Lenur Yakubov, İzet Sayfullin, İdris Yurdamov ve Şevket Kiyamovnıñ evlerinde tintüv keçirdi. Eski Qırım camisi de tintildi.
Tintüvlerden soñ Eski Qırımlı faal ve iş adamı Lenur Yakubov ve «Eski Qırım» mustaqil musulman cemiyetiniñ imamı İzet Sayfullin tutuldı. İdris Yurdamov ve Şevket Kiyamovnı uquq qoruyıcılar evlerinde qaldırdı.
Daa soñra Sayfullin polis bölüginden yiberildi. Oña qarşı «qanunsız missionerlik faaliyeti» içün memuriy protokol tizildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
