Ukrayınanıñ Rusiye işğal etken Qırımnı esas topraqnen bağlağan Çonğar ve Geniçesk köpürlerine qarşı raketa darbereleri qarşı ücüm içün şaraitlerge yönelgen Ukrayına ordusı kampaniyasınıñ bir qısmı ola. Bu aqta Amerikanıñ Cenkni tedqiq etüv institutınıñ ekspertleri bildirdi.
Darbeler avgustnıñ 6-nda Rusiye ordusını temin etken eki esas maşina köprüne endirildi. Neticede Rusiye quvetleri yol areketini daa qısqa şarqiy yollardan daa uzun ğarbiy yollarğa yöneltti. Bu logistikada bozuvlarğa yol aça bile.
Rusiye menbaları bildirgenine köre, Ukrayına ordusı darbelerde Büyük Britaniya ve Frenkistan bergen Storm Shadow qanatlı raketalarını qullandı. ISW Rusiyeniñ ava mudafaa quvetleri bu raketalarnı tüşürgenine dair bir malümat daa alamadı.
Çonğar köprü ne qadar tez tamir etilecek añlaşılmay, iyülniñ 29-nda Ukrayına ordusı demiryol qısmına da darbe endirgen edi.
Geniçeskteki köpürniñ ğayrıdan tiklenüvine daa çoq vaqıt kerek, dep tüşüne Amerika Cenkni tedqiq etüv institutınıñ ekspertleri.
Ukrayına silâlı quvetleri, Hersonnıñ qarşı ücümi vaqtında olğanı kibi, Ukrayına cenübinde Rusiye ordusını kesmege ve logistikasını bozmağa tırışa, dep tahmin ete ekspertler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
