«Sarı şerit» («Jovta striçka») Ukrayına tarafdarları areketiniñ faalleri Qırımda Rusiye işğaline tirenüv timsali olğan sarı şeritlerni yerleştirmege devam ete. Faallerniñ telegram kanallarında fotoresimler paylaşıldı.
«Sarı şerit» areketiniñ faalleri şerit baylap, vaqtınca işğal etilgen Qırım Muhtar Cumhuriyetinde işğalci akimiyetniñ yapqanlarınen razı olmağanını bildirdi», – dep yazdı faaller Telegram kanalında.
«Sarı şerit» («Jovta striçka») Ukrayına areketi bildirgenine köre, «vaqtınca işğal etilgen Qırımda vatandaş tirenüvi quvetlerini arttıra». Teşkilât, yarımadada Ukrayına areketiniñ aman-aman 1000 faali buluna, dep qayd ete.
«Sarı şerit» («Jovta striçka») Ukrayına areketi bildirgenine köre, «vaqtınca işğal etilgen Qırımda vatandaş tirenüvi quvetlerini arttıra». Teşkilât, yarımadada Ukrayına areketiniñ aman-aman 1000 faali buluna, dep qayd ete.Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
