Qırımda Rusiye kanalları yerine Ukrayına prezidenti Volodımır Zelenskıynıñ muracaatı kösterildi, dep bildire Rusiye ve Qırım içtimaiy ağları.
Qırımnıñ Telegram kanallarında «Qırım platforması» sammitinden soñ oktâbrniñ 24-ne ait Zelenskıynıñ muracaatı derc etildi. Prezident Qırımda buluğan insanlarğa muracaat etti: «Epiñiz Rusiye bizim toprağımızda qalmaycağını is etesiñiz. Bunı bilem. Ukrayına topraqlarını, insanlarını keri alacaq».
Aynı vaqıtta, Qırımnıñ Rusiye yolbaşçısı Oleg Krüçkov yerli internet provayderleriniñ bozuluvı aqqında bildirdi.
Bu ilk sefer olmay. İyün ayında işğal etilgen Qırımda bir qaç telekanalda Ukrayına Mudafaa nazirliginiñ Ukrayına qarşı ücüm başlatacağına dair levhası kösterildi.
Ukrayına devlet sıñır hızmeti Telegramda yazdı: «Kiberpatlav Qırımda. Qırımda bir qaç operator eyi insanlar TV yayınlarına kirişkenleri içün signalını qapata».
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
