Link açıqlığı

Saatnıñ esas haberi

Qırımda Zelenskıynıñ dairesi ve Meclis binası «devletleştirildi» – Konstantinov


Qırımtatar Milliy Meclisiniñ binası

Qırımnı Rusiye parlamentiniñ deputatları Ukrayına prezidentiniñ ömür arqadaşı Olena Zelenskanıñ dairesini ve Qırımtatar Milliy Meclisiniñ binasını «devletleştirmek» içün rey berdi, dep haber etti parlament spikeri Vladimir Konstantinov.

Onıñ aytqanına köre, cedvelge kirgenler:

  • Ukrayına bankları ve sanayı müessiseleriniñ mülki;
  • Şarap işhaneleriniñ mülki;
  • «Solar» küneş batareyaları;
  • Ukrayına prezidentiniñ ömür arqadaşı Olena Zelenskanıñ Yaltadaki dairesi;
  • Aluştadaki bala lageri;
  • Aqmescitteki alış-veriş yerleri;
  • Qırımtatar Milliy Meclisiniñ Aqmescitteki binası.

Konstantinovnıñ aytqanına köre, «Rusiye Federatsiyasına qarşı dostane olmağan areketler yapqan çetel vatandaşları ve devletlerniñ mal-mülkine» 57 madde qoşuldı.

Fevralniñ 3-nde Qırımnıñ Rusiye parlamenti «Ukrayına iş adamlarınıñ mal-mülkini devleştirüv» qararına qoltuttı. Konstantinov «cedvelge çeşit müessise ve banklarğa, turistik, sport infrastrukturağa ait 500 obyekt kirsetilecek», dep aytqan edi.

Konstantinovnıñ bildirgenine köre, Ukrayına iş adamları İğor Kolomoyskıy, Rinat Ahmetov, Serğiy Taruta, siyasetçiler Nestor Şüfriç ve Arseniy Yatsenükke ait mulk aqqında aytıla. Ukrayına iş adamları ve siyasetçileri Konstantinovnıñ laflarını izaatlamadı.

Ukrayına prezidentiniñ Qırım Muhtar Cumhuriyetindeki daimiy temsilcisi Tamila Taşeva Ukrayına insan ya da devlet aqlarınıñ bozuluvını qabul etmeycek, dep ayttı. Bular «devletleştirüv» ya da mulkni tazmin etüv, mirasçılıq qararları ola.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG