Link açıqlığı

Saatnıñ esas haberi

Sinoptikler Qırımda avgustnıñ 19-nda yağmurlar eñ çoq yağğan yerlerni aydınlattı


Aqmescitte yağmurlar (arhiv fotoresimi)
Aqmescitte yağmurlar (arhiv fotoresimi)

Cumaaqşamı künü, avgustnıñ 19-nda, Aqmescit, Seyitler ve Aluştada yağmurlar eñ çoq yağdı. Bu aqta Qırımnıñ Gidromettsentr matbuat hızmeti bildire.

«Yağmurlar eñ çoq Aqmescitte – 3 saatta 61 mm, Seyitlerde – 31 mm, Aluştada – 21 mm, Bağçasaray rayonında – 22 mm, Kefede – 27 mm yağdı», – dep aytıla haberde.

Daa evel berilgen malümatqa köre, avgustnıñ 19-nda Aqmescitte eki saat çinde aylıq normanıñ tahminen 130%-ı yağdı – ayda 41 mm norma olsa, 57 mm yağdı. Aqmescitte yağmur neticesinde bazı yerlerni suv bastı.

Qurtarıcılar Aqmescitte küçlü yağmurlar ve afat sebebinden suv basuv telükeleri aqqında tenbiledi.

Qırımdaki Rusiye Fevqulâde vaziyetler nazirligi, avgustnıñ 20-siniñ soñuna qadar Qırımda bazı yerlerde küçlü yağmurlar, afat, burçaq yağması, yel süratı saniyede 20-25 metr olacaq, dep tenbiledi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG