Qırımda Ukrayınağa qoltutuv tatuları içün taqip eteler, dep bildirdi Ukrayına prezidentiniñ Qırım Muhtar Cumhuriyetindeki temsilciligi.
«Rusiyeliler Ukrayına vatandaşlarını vatanperver tatular içün taqip etmege devam eteler, kiçik bir resim bile işğalcilerni qorquza bile – ukrayınalılarnıñ vatanperverligi qorqunen yoq etilemez. 22 yaşında yarımada sakini işğalciler tarafından Ukrayına timsali şeklinde tatu içün tutuldı. Qıznı trızubnı qara tüsnen qapatmağa zorlap, kamera ögünde afu soramağa ve Ukrayınağa qarşı cenkke qoltutqanını aytmağa mecbur ettiler», – dep aytıla haberde.
Qayd etilgenine köre, Yalta sakini içtimaiy ağda Rusiye akimiyetini «itibardan tüşürgen» paylaşuvlar içün tutuldı.
«Qadın Putinniñ apis urbasında resmini derc etip, onıñ fikirince, qırçma yetmey, amma kene de baqıp quvana, dep yazğan eken. Qadın videoda afu soradı ve rusiyelilerge ve akimiyetlerine qoltuta dep aytmağa mecbur oldı», – dep qoştı müessise.
Rusiyede ve işğali altındaki topraqlarda Ukrayına tarafdarları taqip etile. Rusiyege qoltutqan bloger Aleksandr Talipov Telegram kanalında Ukrayına tarafdarlarınıñ şahsiy malümatını derc ete. Onıñ şikâyetleri esasında qırımlılar Rusiye ordusını «itibardan tüşürgeninde» qabaatlanıp, memuriy ve cinaiy mesüliyetke çekile. Ukrayına prokuraturası Talipovğa qarşı «milletlerara nefret doğuruv» maddesine istinaden cinaiy tahqiqat başlattı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
